Боздиди раиси вилояти Хатлон аз рафти барқарорсозии пули мошингузари ноҳияи Ёвон.

Раиси вилояти Хатлон муҳтарам Ҳакимзода Қурбон рӯзи 3 июли соли 2020 зимни сафари корӣ ба ноҳияи Ёвон аз рафти барқарорсозии пули мошингузар

воқеъ дар кӯчаи ба номи Р. Раҷабови шаҳраки Ёвон дидан карданд.

Ин пул дар натиҷаи омадани сел 25 апрели соли 2014 ба куллӣ аз байн  рафта буд.

Бо ташаббуси мақомоти иҷроияи ҳокимияти давлатии ноҳия, бо истифодаи маблағҳо аз буҷаи маҳал ва саҳми соҳибкорони саховатпешаи ноҳия пули мазкур, ки тибқи лоиҳа маблағи сохтмони он  26 млн. сомониро ташкил медиҳад, барқарор гардида истодааст ва он то ҷашни 29-солагии Истиқлолияти давлатии Ҷумҳурии Тоҷикистон ба истифода дода хоҳад шуд.

Пули мазкур бо чунин андозаҳо бунёд шуда истодааст:

            -дарозӣ                                                                                          63 метр

            -бар                                                                                                 19 метр

            -аз ду паҳлуяш роҳи пиёдагард бо паҳноии                1,5 метр

            -шумораи конструксияҳои оҳанин                                  24 дона

            -аз ду соҳили дарёча дар болои зерсутун (свай)-ҳо 34 дона сутунҳо рост карда шудаанд;

-болои пул бо истифода аз масолеҳи оҳану бетонӣ рӯйпӯш карда шуда, сипас мумфарш мегардад;

-аз ду канори пул панҷараҳои ҳимоявӣ сохта мешаванд;

-иқтидори вазнбардории пул 80 тоннаро ташкил медиҳад.